西環5間深宵食堂港大生必試煎腸粉

休閒消費

發布時間： 2016/09/13 18:05

最後更新： 2016/09/16 20:32

熱門保暖大法聖誕好去處啟德體育園名校專區財政預算案2025 超市大搜查藥物百科破·地獄小學試題會員有獎

自堅尼地城港鐵通車，多間西餐潮店進駐此區，幸而不少街坊老店可以並存，幾間營業至夜深的人氣店，更加是西區食客長年幫襯之選，尤其附近港大同學，食厭 canteen 頹飯，想食宵夜，以下 5 間人氣平民食店，不能不識。

可可店 : 必試煎腸粉加蛋

住西環，冇理由不識可可店。原店位於均益街，據稱由士多做起，漸變成糖水及兼賣小食粉麵飯，其後搬至現址卑路乍街，舖面大了，人流更多，營業至半夜 4 時，吸引不少夜貓子及成為港大生的深夜食堂，人均消費 30 元，已有大量美食選擇，最近還在總店附近開分店。

糖水方面，紅豆、綠豆沙、喳咋份量充足，但有指味道已不及當年。至於店中另一招牌：香煎腸粉加雞蛋，尋常不過的小吃，但落在樓面阿姐日積月累爐火純青的煎炒技巧，在腸粉炒在火候適中時再打上雞蛋，爽滑之餘，蛋味又不會太老，蛋汁配以麻醬芝麻，滋味十足，不可不試。

地址：卑路乍街 136-142 號聯威新樓地下、爹核士街 26 號地下（分店）
營業時間：4 pm至 4 am
推介：香煎腸粉加蛋（$17）、渣咋（$17）

▲ 可可店廚房採透明設計﹐食客等外賣可欣賞阿姐的煎炒技巧。(攝影：陳偉能)

▲ 馳名腸粉加蛋，不能不試,$17。(攝影：陳家昌)

【延伸閱讀】香港仔坐街渡尋秘食點搵隱世艇仔粉？

新興食店：Eason 都幫襯的流沙包

星期日陪阿媽飲茶，你可能嫌悶，但如果清晨與朋友仔去歎一盅兩件，又變成有型的事。

在西環三十多年的新興食店，每日清晨 3 點開門，做到下午 4 時，日日人流不絕，2011 年曾被 CNNgo 選作香港最佳點心店之一，店內售賣的點心未必是平通街，卻是真材實料，蝦餃餡料大大粒，腸粉即叫即拉熱辣辣，蒸籠鮮點心全由人手捧著托盤上菜，頗有舊式酒家風情。

最熱搶必定是招牌貨流沙包，牛油混和鹹蛋黃的醬汁，燙熱地從包內瀉出，連 Eason 等多位明星都會半夜來捧場。

地址：香港西環士美非路 8 號美暉大廈地下
營業時間：3 am至 4 pm
推介：奶黃包（$18）、蝦餃皇（$21）

▲ 新興的新鮮點心，出籠即由夥計捧出。（攝影:陳家昌）

永利清湯牛腩：隱世地痞店

HKU 的學生，由學校東閘行出去、沿山道一路直落，就可以在路口幫襯「永利」，加上地鐵開通後，它對正香港大學站出口，所以是盡得地利，學生之外，的士司機、街坊、外籍人士都愛幫襯這隱世地痞小店。食物方面，清湯腩粉麵必試，配飯的話，加上蔥油很惹味，此外亦有燒味和潮式打冷食物供應。

地址：山道 25 號地舖
營業時間：2 pm 至 4 am
推介：清湯腩河（$32）

▲ 永利位於山道口，盡得地利。（攝影：黃慕茵）

▲ 永利除了清湯腩，竟然還有凍蟹。（攝影：黃慕茵）

【延伸閱讀】西灣河天光墟尋寶 5元買古着Levi's 501

宜加：半夜食正餐

宜加屹立西環十多年，主要是食甜品，由西米露、黑珍珠、涼粉、豆腐花、果汁、清心丸都有，還有中式糖水和糕點如大菜糕、桂花糕，價錢由十多元至 30 多元，推介各式黑珍珠甜品。

然而它亦有正餐供應，有港式的日本食物如拉麵、烏冬、冷麵、蛋包咖哩飯、燒汁牛肉、薑汁豚肉等，更有炒公仔麵與頹飯。它所以成為學生飯堂，皆因其晚市套餐雖供應至晚上 10 時，但老闆和阿姐如果見顧客是學生，過了 10 時仍賣 set dinner，所以晚晚都有很多學生練完波來開餐！補充番先，晚餐包飲品由 37 至 42 元，確係抵！

地址：卑路乍街 51 號地下
營業時間：11 am至 1am
推介：芒果珍珠涼粉（$25）

▲ 芒果珍珠豆腐花 $25、西瓜珍珠喳咋黑糯米 $26。（攝影：黃慕茵）

津津食店：被忽略的越南美食

位處卑路乍街及山市街交界的人流集中地，外表極不起眼，但一到晚飯時段，門口不少街坊等候外賣，吸引力何在？原來它專售越式湯粉麵飯及港式車仔麵，大路口味如生牛肉湯河、香茅豬扒飯、春卷，售 30 餘元，勝在份量足和材料新鮮，而且開到半夜一點，夜返不怕冇飯開。有街坊推介店內皇牌河/飯，一次食盡香茅豬扒、雞翼、扎肉和香腸，絕對是深宵頹飯。

▲ 津津皇牌河粉，包括雞翼、豬扒、腸仔及扎肉，再加個炸墨丸，飽到嘔。（攝影：陳偉能）